వట్రపూడి గ్రామం / VATRAPUDI VILLAGE

శ్రీ పార్వతీ సమేత  శ్రీ సోమేశ్వర స్వామి

వృషభరాశి, కృత్తిక నక్షత్రం (3వ పాదం)

పాద శివలింగ స్ధానం: ద్రాక్షారామ క్షేత్రానికి ఆగ్నేయం దిశగా, సుమారు 7 kms. దూరాన, వట్రపూడి గ్రామం (Vatrapudi)  కలదు. ఇచ్చట శ్రీ పార్వతీ సమేత శ్రీ సోమేశ్వర స్వామి ఆలయం ఉంది.  శ్రీ సోమేశ్వర లింగము భీమసభ నందలి 108 శివ లింగాలలో ఒకటిగా ప్రతీతి. శ్రీ సోమేశ్వర లింగము కృత్తిక నక్షత్రం (3వ పాదం) చెందినది. కృత్తిక నక్షత్రములో 3వ పాదము లో జన్మంచిన స్త్రీ వలన తల్లికి, పురుషుడు వలన తండ్రికి దోషం కలుగును. వాటిని నివారించుటకు ఆలయం నందు అభిషేక శాంతులు నిర్వహించుతారు. 

ఆలయం: ప్రాచీన ఆలయం జీర్ణమైనది. గ్రామస్ధుల సహాకారముతో పునః నిర్మాణం జరిగింది. ఆలయ ప్రాంగణములో ధ్వజ స్ధంబం, ముఖ మండపం, అంతరాలయం, గర్భాలయం ఉంటాయి. గర్భాలయం నందు శ్రీ పార్వతీ సమేత  శ్రీ సోమేశ్వర స్వామి కొలువై యున్నాడు.  అంతరాలయం నందు గణపతి, నాగ బంధం దర్శనమిస్తాయి.  ముఖ మండపం నందు నంది విగ్రహం, ఆలయ ప్రాంగణములో చండీశ్వరుడు గలరు. ఆలయం నందు నిత్యం అర్చనలు, అభిషేకాలు జరుగుతాయి. వీటితో పాటు గ్రహ శాంతులు నిర్వహించుతారు. ఆలయ అర్చక స్వామి పేరు: శ్రీ ఉండి సురేష్ బాబు వీరి Cell 83320 29544.

రవాణా సమాచారం: ద్రాక్షారామం నుంచి యానాం బస్సులు (Via) ఎర్ర పోతవరం, బాలాంత్రం, ఇంజరం మీదగా ప్రతి గంటకు ఉంటాయి. ద్రాక్షారామం నకు సుమారు 4 Kms. దూరంలో ఎర్ర పోతవరం బస్ స్టాప్ ఉంటుంది. ఎర్ర పోతవరం  -  అండ్రంగి రోడ్డు మార్గములో అద్దంపల్లి గ్రామం ఉంటుంది. అద్దంపల్లి కి ఉత్తరం దిశ లో వట్రపూడి గ్రామం కలదు. అద్దంపల్లి - వట్రపూడి మధ్య రోడ్డు దూరం సుమారు ఒక Km. గా ఉంటుంది. నడక దారి కేవలం 100 meters only.

ఎర్ర పోతవరం బ్రిడ్జి దిగువ నుంచి వట్రపూడి కు ఆటోలు దొరుకుతాయి. వీటి మధ్య దూరం సుమారు 3 Kms. ఎర్ర పోతవరం నుంచి వట్రపూడి వైపు పోవు ఆటోలు చాల తక్కువగా ఉంటాయి. కాబట్టి ద్రాక్షారామం నుంచి వట్రపూడి కి రాను - పోను ఆటో ఏర్పాట్టు చేసుకోవటం సౌక్యముగా ఉంటుంది.

అర్చక స్వామి: మాకు సహకరించిన అద్దంపల్లి అర్చక స్వామి శ్రీ ఉండి ఉమామహేశ్వర వీరభద్రరావు, సెల్ నెం.9666924683 గార్కి నా నమసుమాంజలి. వీరు వట్రపూడి - శ్రీ సోమేశ్వర లింగము నకు అర్చనలు మరియు శాంతులు నిర్వహించుతారు. వట్రపూడి ఆలయం సమాచారం కూడ అందించగలరు.

విజ్ఞప్తి: ద్రాక్షారామ - శ్రీ భీమేశ్వరాలయం యొక్క ఉత్తర ముఖద్వారం వద్ద శ్రీ రాజ రాజేశ్వరి పీఠం వారి నిత్యాన్నదానం సత్రం కలదు. దూర ప్రాంతములు నుంచి ఆలయాలు సందర్శనకు వచ్చిన యాత్రికులకు ఉచ్చిత అన్న ప్రసాదములు వితరణ జరుగును. భక్తులు ముందుగా అన్నప్రాసాదం కోసం ఫోనులో సంప్రాదించాలి.

వీరు వాహనములు కూడ ఏర్పాటు చేస్తారు.