మాచవరం గ్రామం / MACHAVARAM VILLAGE

శ్రీ భద్రకాళీ సమేత వీరేశ్వర స్వామి

కన్యారాశి, హస్త నక్షత్రం (4వ పాదం)

పాద శివలింగ స్ధానం: చాళుక్యుల భీమ మండలం నందలి ద్రాక్షారామ క్షేత్రానికి వాయువ్యం దిశగా, సుమారు 14 kms. దూరాన, మాచవరం (Machavaram) గ్రామం ఉంటుంది. ఇది తూర్పు గోదావరి జిల్లా, రాయవరరం మండలంకు చెందినది. మాచవరం నందు శ్రీ భద్రకాళీ సమేత వీరేశ్వర స్వామి (శివాలయం) కలదు. శ్రీ వీరేశ్వర లింగము భీమసభ నందలి 108 శివ లింగాలలో ఒకటిగా ప్రతీతి.

ఆలయం: ఆలయం చాల ప్రాచీనమైనది. పునర్నిర్మాణము జరిగింది. ప్రాంగణములో ధ్వజస్ధంభం, చండీశ్వరాలయం, ముఖమండపం, గర్భాలయం ఉంటాయి. ఆలయ గోపుర శిఖరము నందు దేవత మూర్తులు అద్భుతంగా శిల్పీకరించబడ్డాయి. శ్రీ వీరేశ్వర స్వామికి నిత్య అర్చనలు జరుగుతాయి. స్వామి వారి కళ్యాణోత్సవములు ఫాల్గుణ శుద్ధ ఏకాదశి నాడు పాంచాహ్నికంగా జరుగుతుంది. శరన్నవ రాత్రులు, సుబ్రహ్మణ్యషష్ఠి, గణపతి నవరాత్రులు జరుగుతాయి. కన్యారాశి జాతకులు, క్షేత్రం లోని శివాలయంలో అర్చన, అభిషేకములు భక్తితో నిర్వర్తించిన యెడల విశేష ఫలితములు పొందగలరని భక్తజనుల విశ్వాసము.

అర్చక స్వామి: ఆలయ అర్చకులు శ్రీ గిలపర్తి వీరభద్ర శర్మ, సెల్ నెం : 99893 65155 సంప్రదించగలరు.

రవాణా సమాచారం : రామచంద్రపురం - మండ పేట ప్రధాన రహదారి నందు మాచవరం సెంటర్ ఉంది. దీనిని సోమేశ్వరం వంతెన అని పిలుస్తారు ఇక్కడ నుంచి మాచవరం కి ఆటోలు దొరుకుతాయి.

విజ్ఞప్తి: ద్రాక్షారామ - శ్రీ భీమేశ్వరాలయం యొక్క ఉత్తర ముఖద్వారం వద్ద శ్రీ రాజ రాజేశ్వరి పీఠం వారి నిత్యాన్నదానం సత్రం కలదు. దూర ప్రాంతములు నుంచి ఆలయాలు సందర్శనకు వచ్చిన యాత్రికులకు ఉచ్చిత అన్న ప్రసాదములు వితరణ జరుగును. భక్తులు ముందుగా అన్నప్రాసాదం కోసం ఫోనులో సంప్రాదించాలి.

వీరి Cell 83320 29544.

వీరు వాహనములు కూడ ఏర్పాటు చేస్తారు.