చోడవరం గ్రామం / CHODAVARAM VILLAGE

శ్రీ పార్వతీ సమేత అగస్త్యేశ్వర స్వామి

కన్యారాశి, ఉత్తర నక్షత్రం (2వ పాదం)

పాద శివలింగ స్ధానం: చాళుక్యుల భీమ మండలం నందలి ద్రాక్షారామ క్షేత్రానికి వాయువ్యం దిశగా, సుమారు 9 kms. దూరాన, చోడవరం (Chodavaram) గ్రామం ఉంటుంది. ఇది తూర్పు గోదావరి జిల్లా, రామచంద్రపురం మండలంకు చెందినది. చోడవరం నందు శ్రీ పార్వతీ సమేత అగస్త్యేశ్వరస్వామి (శివాలయం) కలదు. శ్రీ అగస్త్యేశ్వర లింగము భీమసభ నందలి 108 శివ లింగాలలో ఒకటిగా ప్రతీతి.

ఆలయం: ఆలయం చాల ప్రాచీనమైనది. ప్రాంగణములో ధ్వజస్ధంభం, ముఖమండపం. అంతరాలయం, గర్భాలయం ఉంటాయి. అంతరాలయం నందు వినాయకుడు, సుబ్రహ్మణ్యేశ్వరుడు కలరు. శ్రీ అగస్త్యేశ్వర స్వామికి నిత్య అర్చనలు జరుగుతాయి. స్వామివారి కళ్యాణోత్సవములు వైశాఖ శుద్ధ ఏకాదశి నాడు పాంచాహ్నికంగా జరుగుతుంది. శ్రీ సుబ్రహ్మణ్య స్వామివారి కళ్యాణోత్సవము కూడ పాంచాహ్నికంగా జరపుతారు. శరన్నవ రాత్రులు, గణపతి నవరాత్రులు వైభవోపేతంగా జరుగుతాయి. కన్యారాశి జాతకులు, క్షేత్రం లోని శివాలయంలో అర్చన, అభిషేకములు భక్తితో నిర్వర్తించిన యెడల విశేష ఫలితములు పొందగలరని భక్తజనుల విశ్వాసము.

రవాణా సమాచారం : రామచంద్రపురం - కాకినాడ రహదారి పైన చోడవరం బస్ స్టాప్ ఉంటుంది. దీనికి దక్షిణ దిశగా కొంత లోపలకి చోడవరం గ్రామం ఉంటుంది. రామచంద్రపురం నుంచి చోడవరం కు ఆటో ప్రయాణం సౌకర్యంగా ఉండును. వీటి మధ్య దూరం సుమారు 3 కీల్లో మిటార్లుగా ఉంటుంది.

ఆలయ అర్చకులు: ఆలయ అర్చకులు శ్రీ చావలి విశ్వనాధశర్మ, సెల్ నెం: 99594 12444 సంప్రదించగలరు.

విజ్ఞప్తి: ద్రాక్షారామ - శ్రీ భీమేశ్వరాలయం యొక్క ఉత్తర ముఖద్వారం వద్ద శ్రీ రాజ రాజేశ్వరి పీఠం వారి నిత్యాన్నదానం సత్రం కలదు. దూర ప్రాంతములు నుంచి ఆలయాలు సందర్శనకు వచ్చిన యాత్రికులకు ఉచ్చిత అన్న ప్రసాదములు వితరణ జరుగును. భక్తులు ముందుగా అన్నప్రాసాదం కోసం ఫోనులో సంప్రాదించాలి.

వీరి Cell 83320 29544.

వీరు వాహనములు కూడ ఏర్పాటు చేస్తారు.