నల్లూరు గ్రామం / NALLURU VILLAGE

శ్రీ రాజరాజేశ్వరీ సమేత సోమేశ్వర స్వామి

వృశ్చికరాశి, జ్యేష్ట నక్షత్రం (2వ పాదం)

పాద శివలింగ స్ధానం: చాళుక్యుల భీమ మండలం నందలి ద్రాక్షారామ క్షేత్రానికి వాయువ్యం దిశగా సుమారు 19 kms. దూరాన నల్లూరు (Nalluru) అను గ్రామం కలదు. చెల్లురు - నల్లూరు - అంగర రోడ్డు మార్గములో నల్లూరు ఉంటుంది. ఇచ్చట శ్రీ సోమేశ్వర లింగమును దర్శించగలము. శ్రీ రాజరాజేశ్వరీ సమేత సోమేశ్వర స్వామి వారి ఆలయం జ్యేష్ట నక్షత్రం (2వ పాదం) చెందినది. శ్రీ సోమేశ్వర లింగము భీమసభ నందలి 108 శివ లింగాలలో ఒకటిగా ప్రతీతి.

ఆలయం: శ్రీ పార్వతీ సమేత సోమేశ్వర స్వామి వారి ఆలయం చాల ప్రాచీనమైనది. కాల క్రమములో ఆలయం పునర్నిర్మాణము జరిగింది. ఆలయ ప్రాంగణములో ధ్వజస్ధంభం, చండీశ్వరాలయం, ముఖమండపం, గర్భాలయం ఉంటాయి. ఆలయ గోపుర శిఖరము నందు దేవతా మూర్తులు కలరు. ఆలయ ప్రాంగణంలో శ్రీ రుక్మిణీ సత్యభామా సమేత వేణుగోపాల స్వామి ఆలయం మరియు కోదండ రామాలయం కలవు. శ్రీ సోమేశ్వర లింగం కి నిత్య అర్చనలు జరుగుతాయి. శ్రీ సోమేశ్వర స్వామి వారి కళ్యాణోత్సవములు చైత్ర శుద్ధ ఏకాదశి పాంచాహ్నికంగా జరుగుతుంది. శివ కళ్యాణంతో శ్రీ వేణు గోపాల స్వామి వారి కళ్యాణం కూడా నిర్వహించట క్షేత్రంలోని విశేషం. గణపతి నవరాత్రులు, కోదండస్వామి కళ్యాణం, శరన్నవరాత్రులు ఘనంగా జరుగుతాయి. వృశ్చికరాశి జాతకులు, క్షేత్రం లోని శివాలయంలో అర్చన, అభిషేకములు భక్తితో నిర్వర్తించిన యెడల విశేష ఫలితములు పొందగలరని భక్తజనుల విశ్వాసము.

రవాణా సమాచారం: కాకినాడ - రావులపాలెం ప్రధాన రహదారిలో పసలపూడి వంతెన ఉంది. ఇక్కడ నుండి చెల్లూరుకు ఆటోలు ఉంటాయి. చెల్లూరు గ్రామంలో ఆటో స్టాండ్ కలదు. చెల్లూరు నుంచి నల్లూరు కు ఆటోలు ఏర్పాట్టు చేసుకోవాలి. వీటి మధ్య దూరం సుమారు 5 Kms.

రవాణా సమాచారం: రామచంద్రపురం నుంచి వాకతిప్ప బస్సులు (వయా) పసలపూడి వంతెన, చెల్లూరు మీదగా ఉంటాయి.

రవాణా సమాచారం: మండపేట నుంచి కూడ నల్లూరు కు ఆటోలు ఏర్పాట్టు చేసుకోవచ్చు. వీటి మధ్య దూరం సుమారు 15 Kms.

రవాణా సమాచారం: మండపేట నుంచి కోరుమిల్లి బస్సులు (వయా) వల్లూరు, అంగర మీదగా ఉంటాయి. అంగర నుంచి నల్లూరు కు ఆటోలు ఏర్పాట్టు చేసుకోవచ్చు. వీటి మధ్య దూరం సుమారు 4 Kms.

అర్చక స్వామి: ఆలయ అర్చకులు శ్రీ కొండవీటి శేషసాయి సెల్: 96185 19292 & 94919 63294 (Whats app) సంప్రదించగలరు.

విజ్ఞప్తి: ద్రాక్షారామ - శ్రీ భీమేశ్వరాలయం యొక్క ఉత్తర ముఖద్వారం వద్ద శ్రీ రాజ రాజేశ్వరి పీఠం వారి నిత్యాన్నదానం సత్రం కలదు.దూర ప్రాంతములు నుంచి ఆలయాలు సందర్శనకు వచ్చిన యాత్రికులకు ఉచ్చిత అన్న ప్రసాదములు వితరణ జరుగును. భక్తులు ముందుగా అన్నప్రాసాదం కోసం ఫోనులో సంప్రాదించాలి.

వీరి Cell 83320 29544.

వీరు వాహనములు కూడ ఏర్పాటు చేస్తారు.