వానపల్లి గ్రామం / VANAPALLI VILLAGE

శ్రీ పార్వతీ బాలాత్రిపుర సుందరీ సమేత శ్రీ వైధ్యనాధేశ్వర స్వామి

మకర రాశి, శ్రవణం నక్షత్రం (1వ పాదం)

పాద శివలింగ స్ధానం: చాళుక్యుల భీమ మండలం నందలి ద్రాక్షారామ క్షేత్రానికి నైఋతి దిశగా సుమారు 26 kms. దూరాన వానపల్లి (Vanapalli) అను గ్రామం కలదు. ఇచ్చట శ్రీ వైధ్యనాధేశ్వర లింగమును దర్శించగలము. శ్రీ పార్వతీ బాలాత్రిపుర సుందరీ సమేత శ్రీ వైధ్యనాధేశ్వర స్వామి వారి ఆలయం శ్రవణం నక్షత్రం (1వ పాదం) చెందినది. శ్రీ వైధ్యనాధేశ్వర లింగము భీమసభ నందలి 108 శివ లింగాలలో ఒకటిగా ప్రతీతి.

ఆలయం: శ్రీ పార్వతీ బాలాత్రిపుర సుందరీ సమేత శ్రీ వైధ్యనాధేశ్వర స్వామి వారి ఆలయం చాల ప్రాచీనమైనది. కాల క్రమములో ఆలయం పునర్నిర్మాణము జరిగింది. ఆలయ ప్రాంగణములో ధ్వజస్ధంభం, చండీశ్వరాలయం, ముఖమండపం, గర్భాలయం ఉంటాయి. ఆలయ మంటపంలో వీరభద్రేశ్వరుడు, సుబ్రహ్మణ్యేశ్వరుడు, కాశీ అన్నపూర్ణేశ్వరి, కాలభైరవుడు, బృంగీశ్వరుడు మరియు పార్వతీదేవి మూర్తులు కలరు. అంతరాలయంలో గణపతి కొలువై ఉన్నారు. ఆలయ గోపుర శిఖరము నందు దేవతా మూర్తులు కలరు. శ్రీ వైధ్యనాధేశ్వర లింగం కి నిత్య అర్చనలు జరుగుతాయి. శ్రీ పార్వతీ బాలాత్రిపుర సుందరీ సమేత శ్రీ వైధ్యనాధేశ్వర స్వామి వారి కళ్యాణోత్సవములు చైత్ర శుద్ధ దశమి రోజున పాంచాహ్నికంగా జరుగుతుంది. శరన్నవరాత్రులు, గణపతి నవరాత్రులు విశేషంగా నిర్వ హించబడతాయి. శివరాత్రి తీర్ధం అతి విశేషంగా నిర్వహించబడుతుంది. మకర రాశి జాతకులు, క్షేత్రం లోని శివాలయంలో అర్చన, అభిషేకములు భక్తితో నిర్వర్తించిన యెడల విశేష ఫలితములు పొందగలరని భక్తజనుల విశ్వాసము.

రవాణా సమాచారం: రావులపాలెం - మురమళ్ళ బస్సులు (Via) వానపల్లి, ముక్తేశ్వరం మీదగా ఉంటాయి.

* రావులపాలెం - వానపల్లి మధ్య దూరం సుమారు 18 Kms.

రవాణా సమాచారం: రావులపాలెం & కొత్తపేట నుంచి బయలు దేరిన అయినవిల్లి షేరింగ్ ఆటోలు (Via) వానపల్లి మీదగా ఉంటాయి.

రవాణా సమాచారం: కోటిపల్లి రేవు నుంచి ముక్తేశ్వరం రేవుకు Boat సౌకర్యములు ఉంటాయి. ముక్తేశ్వరం రేవు నుంచి ముక్తేశ్వరం కు రవాణ సౌకర్యములు ఉంటాయి. ముక్తేశ్వరం నుంచి వానపల్లి కి ఆటోలు ఉంటాయి. వీటి మధ్య దూరం సుమారు 10 Kms.

రవాణా సమాచారం: వానపల్లి శివాలయం బస్ స్టాప్ కు సుమారు 200 meters (కొంత లోపలకి) శివాలయం ఉంటుంది.

అర్చక స్వామి: ఆలయ అర్చకస్వామి శ్రీ వెలవలపల్లి వెంకట సుబ్రహ్మణ్యశర్మ, సెల్ నెం 95507 28875 సంప్రదించగలరు.

విజ్ఞప్తి: ద్రాక్షారామ - శ్రీ భీమేశ్వరాలయం యొక్క ఉత్తర ముఖద్వారం వద్ద శ్రీ రాజ రాజేశ్వరి పీఠం వారి నిత్యాన్నదానం సత్రం కలదు.దూర ప్రాంతములు నుంచి ఆలయాలు సందర్శనకు వచ్చిన యాత్రికులకు ఉచ్చిత అన్న ప్రసాదములు వితరణ జరుగును. భక్తులు ముందుగా అన్నప్రాసాదం కోసం ఫోనులో సంప్రాదించాలి.

వీరి Cell 83320 29544.

వీరు వాహనములు కూడ ఏర్పాటు చేస్తారు.